BRÍET & GKR á Húrra

BRÍET og GKR munu leiða saman hesta sína á Húrra miðvikudaginn 11.apríl og gefa gestum forsmekk af sumri.

BRÍET gaf nýverið út sína fyrstu EP plötu sem ber heitið ‘22.03.99’ og hefur hún fengið frábærar viðtökur og vakið athygli víða um heim. Fyrstu live tónleikarnir hennar voru þann sama dag á Sónar Reykjavík og voru flestir sammála um að þar væri stjarna fædd. Hélt hún svo tónleika í Stokkhólmi í vikunni á eftir við góðann orðstír og ljóst að henni standa allar dyr opnar um framhaldið.

GKR þarf vart að kynna fyrir Íslendingum enda hefur hann verið áberandi í íslensku hip hop senunni síðustu ár. Með lögum eins og ‘Morgunmatur’ og ‘Tala um’ stimplaði hann sig rækilega inn sem einn áhugaverðasti rappari landsins og hefur haldið tónleika um allt land síðan. GKR er þekktur fyrir litríkann fatastíl og skemmtileg tónlistarmyndbönd og var t.a.m. lagið ‘Meira’ gefið út af ameríska plötufyrirtækinu Mad Decent sem þykir mjög stórt í heimi underground senunnar þar úti.

Miðaverð: litlar 1.500 kr