Zhrine & Auðn á Hard Rock – 27.apríl

Sveitirnar Zhrine og Auðn ætla að láta Hard Rock Café nötra fimmtudagskvöldið 27. Apríl og mun þar nýtt efni óma í bland við eldra.

Þeim til halds og trausts verða unglömbinn í Óværu en hafa meðlimir marga fjöruna sopið í sveitum allt frá Klink og Betrefa til Q4U og Dr. Mister and Mister Handsome.

Zhrine og Auðn eru báðar á mála hjá franska þungarokksrisanum Season of Mist en þær bjóða hér gestum og gangandi upp á forsmekkinn af þeim glundroða sem þær munu sá í sumar á hátíðum á borð við Hróarskeldu, Inferno, Roadburn og Eistnaflug.