GÓSS – Bryggjan Brugghús 2 ára

Sunnudaginn 5. Nóvember verður Bryggjan Brugghús tveggja ára og því ber að sjálfsögðu að fagna með glaum og gleði. Tríóið frábæra GÓSS, þau Sigríður Thorlacius, Sigurður Guðmundsson og Guðmundur Óskar gerðu allt vitlaust þegar þau spiluðu hér síðast og þá komust færri að en vildu. Það eru allir velkomnir í afmælið á meðan húsrúm leyfir en það verður talið í klukkan 21 og aðgangur er ókeypis.

Fyrr um kvöldið klukkan 18:00 verður Sunnudjassinn á sínum stað og hvetjum við fólk til að panta sér borð á veitingastaðnum, fagna með okkur afmælinu og færa sig svo yfir í Bruggsalinn þar sem GÓSS-ið leikur ljúfa tóna til ca. 23:00.