Skuggamyndir frá Býzans

Þriðjudaginn 27. júní býður Bryggjan, í samstarfi við Heimstónlistarklúbbinn, gestum og gangandi að hlýða á magnaða tónlist hljómsveitarinnar Byzantine Silhouette (Skuggamyndir frá Býsans). Leikin verður hressilega blanda af tónlist frá balkanskaganum en sveitin hefur gefið út tvo geisladiska og DVD-disk og hefur allt fengið frábærar viðtökur og dóma. Hljómsveitin hefur starfað frá árinu 2010 og haldið ótal tónleika út um allt land við góðar undirtektir enda valinn maður í hverju rúmi, Haukur Gröndal á klarínett, Ásgeir Ásgeirsson á ýmis framandleg strengjahljóðfæri, Þorgrímur Jónsson á bassa og Erik Qvick á slagverk.

Tónleikarnir hefjast kl. 21:30 og er ókeypis aðgangur á meðan húsrúm leyfir.