Páskaball með Stjórninni!

ATH: Bætt hefur verið við balli laugardaginn 31. mars!

Stjórnin fagnar 30 ára afmæli sínu í ár með prompi og pragt. Af því tilefni ætlar bandið að leggja land undir fót og byrja afmælisárið með glæsilegu páskaballi á Bryggjunni Brugghúsi þann 28. mars 2018, húsið opnar kl. 22 og ballið byrjar upp úr kl. 23:30.

Stjórnin mun leika öll sín vinsælustu lög ásamt vel völdum coverlögum og ætlar sér að trylla alla upp úr skónum. Takmarkaður fjöldi miða eru í boði og nauðsynlegt að tryggja sér miða í tíma til að missa ekki af þessu stuði!

Hver þekkir ekki lög eins og Eitt lag enn, Við eigum samleið, Ég lifi í voninni, Láttu þér líða vel, Ég gefst ekki upp, Utan úr geimnum, Hamingjumyndir, Þessi augu, Til í allt, Ég elska alla, Ég vil að þú komir, Nei eða já, Allt í einu, Allt eða ekkert, Ekki segja aldrei, Stór orð og svona mætti lengi áfram telja.

Ekki láta þetta ball fram hjá þér fara, byrjaðu páskana í Stjórnarstuði!

ATH MIÐASALA HEFST FIMMTUDAGINN 15. FEBRÚAR KL.10 Á TIX.IS